«Атамекен» студенттер отрядттарының жастар қоғамдық бірлестігінің ұйымдастыруымен «Сыбайлас жемқорлық – қоғам дерті» тақырыбында Ақтөбе облысының Қазақстан халқы Ассамблеясы қызметкерлерімен кездесу өтті.
«Атамекен» студенттер отрядтарының жастар қоғамдық бірлестігінің төрағасы Шаңғытбаев Нұржан Құрманғалиұлы, Ақтөбе облысы бойынша сыбайлас жемқорлыққа қарсы бірінші медиа-орталық РҚБ филиалының басшысы Мустафина Әсел Сағынғалиқызы Ақтөбе облысының Қазақстан халқы Ассамблеясы қызметкерлерімен кездесіп, сыбайлас жемқорлыққа қарсы саясат талаптарын түсіндірді.
Кездесудің негізі мақсаты- сыбайлас жемқорлыққа қарсы мәдениетті қалыптастыру, сондай-ақ сыбайлас жемқорлық фактілеріне ұшырасқан жағдайда, 1424 сенім телефонына қоңырау шалу мүмкіндігі бар екендігін атап өтті.
Шара соңында заңбұзушылықтар аясында қатысушылар тарапынан қойылған сұрақтарға жауаптар беріліп, парақорлық — ел әлеуетінің дамуына кері әсер ететін қауіпті індет екенін жеткізіп, одан алшақ болу қажеттілігін ескертті.