Қаңтар, ақпан айларында Шығыс Қазақстан, Ақтөбе, Ұлытау және Жетісу облыстарының макроэкономикалық көрсетіштері өзге өңірлерден төмен болған, деп хабарлайды «Тілші» ҚазАқпаратқа сілтеме жасап.
Премьер-Министрі Әлихан Смайылов Үкімет отырысындай осылай деп мәлім етті.
«Экономиканың нақты секторы тұрақты өсімді қамтамасыз етті. Өңдеу өнеркәсібінде өндіріс көлемі — 2,5%, құрылыс шамамен 13%, ауыл шаруашылығы — 4% және қызмет көрсету саласы 5% өсті», — деді Әлихан Смайылов.
Премьер-Министр автомобиль жасауда — 46%, локомотивтер мен вагондар өндірісінде — 34% өсім тіркелгенін айты, мұны оң серпін деп бағалады.
«Сондай-ақ, фармацевтика шамамен 17%, химия өнеркәсібі — 3,5%, жеңіл өнеркәсіп — 34% өсті. Азық-түлік өнімдерін шығару — 10%, минералды өнімдер — 8%, дайын металл бұйымдарын өндіру 12,5% ұлғайды. Мұнай өңдеу 5,5% өсті.
Электр энергиясында -4,5%, металл кендерін өндіруде 2,5% өсім тіркелді.
Қызмет көрсету секторында ақпарат және байланыс — 12%, көлік — 6% және сауда 11,5% жоғары өсім көрсетті.
Тау-кен өндіруді қоспағанда негізгі капиталға салынған инвестициялардың көлемі 24% өсті.
Қаңтар-ақпан айларында бүкіл негізгі макрокөрсеткіштер бойынша Абай, Батыс Қазақстан, Маңғыстау, Павлодар облыстарында, Алматы және Шымкент қалаларында өсім бар.
Ең төмен көрсеткіштер Шығыс Қазақстан, Ақтөбе, Ұлытау және Жетісу облыстарында», — деді Үкімет басшысы.