Ақтөбеде бизнес субъектілері газбен жабдықтау желілеріне қосылуға техникалық шарттар ала алмай отыр — TilshiNews

Ақтөбеде бизнес субъектілері газбен жабдықтау желілеріне қосылуға техникалық шарттар ала алмай отыр

Себебі – газ тапшы. Осыған байланысты қандай шаралар қабылданып жатқанын Ақтөбе облысының әкімі Ералы Тоғжанов өңірдің бизнес-қоғамдастығымен кездесу барысында айтты.

Кездесуді облыс әкімдігі өңірлік кәсіпкерлер палатасымен бірлесіп ұйымдастырды. «Атамекен» ҰКП Басқарма төрағасының орынбасары Тимур Нахипбеков, «Даму» КДҚ АҚ Басқарма төрағасының орынбасары Бақытжан Мақажанов, әкімдік, құқық қорғау және қадағалау органдарының, салалық қауымдастықтардың өкілдері, кәсіпкерлер қатысты.

Кездесу еркін микрофон форматында өтті. Кәсіпкерлердің сұрақтары әртүрлі салаларға қатысты болды. Білім беру, мемлекеттік сатып алу, газбен жабдықтау және т. б. салалардағы жүйелі проблемаларға қатысты көптеген мәселелер болды.

Мысалы, «Жаңажол ГТЭС» ЖШС 2020 жылдан бастап тауарлық газдың шектеулі көлемін алады. Серіктестікке бөлінетін  көлемі 234,5 текше метр газ электр станциясының қуатының 40%  ғана жүктеуге жеткілікті. Мұны «ЖГТЭС» ЖШС Бас директоры Сағадат Наутбаев айтты.

Ал, «SD Enrustru» ЖШС объектіні газбен жабдықтау желілеріне қосуға рұқсат берілмеген. Осының салдарынан компания айына 1,5 млн дана кірпіш өндіретін жобаны іске қоса алмай отыр. Бірақ бұл құрылыс материалдарының тапшылығы жағдайында аймаққа қажет жоба және жаңа жұмыс орындары. Осындай жағдайға тағы бірнеше ШОБ субъектілері тап болды. Бизнес несие алды және бүгінде қаржылық шығынға ұшырайды. Кездесуге компания өкілдері қатысты. Олардың өтініштері хаттамаға енгізіледі.

Қазгазтранс Аймақ» АҚ Ақтөбе өндірістік филиалының айтуынша – 100% байланысты қолданыстағы газ құбырлары қуаттылығының тапшылығы. Өңір басшысы «Бұхара-Орал» газ құбыры мен магистральдық газ құбырының 3 желісін салу бойынша шаралар қабылданып жатқанына сендірді. Қаржыландыру бойынша мәселені шешу қажет, деп атап өтті ол.

Өз кезегінде адвокат Динара Ермұхамбетова бизнес өтініштерінің тәжірибесінен мемлекеттік мекемелерді мердігер ұйымдардан қысқы бағаның өсім коэффициентін өндіріп алу бойынша сотқа талап арыз беруді тоқтата тұруға міндеттеу туралы өтінішін білдірді.

«Құрылыс саласында жұмыс істейтін кәсіпкерлердің соттар арқылы қысқы қымбаттау коэффициентін өндіріп алатын мемлекеттік органдарға шағымданатын өтініштері жиілеп кетті. Кейбіреулер,яғни  мемлекеттік орган тарапынан заңды бұзғандығы үшін, бұл жағдайда әдеттегідей мемлекеттік орган емес, бизнес жауап беріп жатыр. ҚР ИИДМ ТКШ құрылыс істері комитетінің 2022 жылғы 28 қаңтардағы «қысқы уақытта құрылыс – монтаждау жұмыстарын жүргізу кезіндегі қосымша шығындардың сметалық нормаларының жинағы» бұйрығымен алынып тасталғаны белгілі. Алайда, Ақтөбе облысының мемлекеттік мекемелері осы уақытқа дейін мердігерлік ұйымдардан өткен жылдардағы қысқы қымбаттау коэффициентін өндіріп алуда. Мысалы, Мұғалжар ауданының сәулет, қала құрылысы және құрылыс бөлімі Ақтөбе облысы бойынша ішкі мемлекеттік аудит департаментінің қорытындысы негізінде «Интер ЭлектроКомплект» ЖШС-не қыс мезгілінде ҚМЖ жұмысы үшін төленген шамамен 5,5 млн теңге соманы өндіріп алу үшін сотқа талап арыз берген», – деп атап өтті Динара Ермұхамбетова.

Облыс прокуроры жеке қабылдау шеңберінде проблемалық мәселені егжей-тегжейлі талдауға дайын екенін айтты.

Ал мектеп асханаларындағы кәсіпкерлер халықтың әлеуметтік осал топтарындағы оқушыларды тамақтандыруға бюджет бөлетін соманы ұлғайтуды сұрады.

«Тұрақты инфляция жағдайында Ақтөбе бизнес өкілдеріне мемлекет төлейтін көпбалалы және аз қамтылған отбасылардан шыққан оқушылар үшін ҚҚС-пен 507 теңгелік бір ыстық түскі астың құны өзектілігін жоғалтты. Инфляциялық процестердің болжамсыздығы жағдайында индекстеуді қолдана отырып, мектеп оқушылары үшін ыстық тамақ бағасын есептеу әдістемесін өзгерту қажет. Азық-түлік бағасының өсуін ескере отырып, қазіргі жағдай балалардың тамақтануын толық қамтамасыз ету үшін нормаларға сәйкес келмейді. Бұл мәселені біз әр жақтан бірнеше рет  көтердік. Білім басқармасына 2022-2023 жылдарға арналған бір реттік мектептегі тамақтану бағасын ұлғайтуды қарастыруды сұраймыз», – деп шағымданады кәсіпкер Гүлнар Оралбаева.

Жолдас Батырхан білім басқармасы басшысының жауабынан, 2023 жылға арналған тегін ыстық тамақты ұйымдастыруға арналған бюджет ҚР Агенттігінің Ұлттық статистика бюросы стратегиялық жоспарлау және ресми баға реформалары бойынша ұсынған есептерді ескере отырып қайта қаралатын болады.

Кеңесте көтерілген мәселелер хаттамаға енгізілді. Кездесуге мемлекеттік органдар мен монополист компаниялардың басшылары мен өкілдері қатысқандықтан, кейбір сұрақтарға диалог барысында бірден жауаптар мен түсініктемелер берілді.

Облыс әкімі әрбір өтінішке мұқият талдау жүргізуді тапсырды және кәсіпкерлерге мемлекеттің көмегіне тек ашық және таза жұмыс істейтіндер ғана жүгіне алатынын ескертті.

«2021 жылы 5000-нан астам жобаға қолдау көрсетілді. Ағымдағы жылдың 9 айының қорытындысы бойынша Ұлттық жоба аясында 2600-ден астам жоба қолдау тапты. Бұл бағыттағы жұмысты күшейту үшін Мемлекеттік бағдарламалар ғана емес, ірі компаниялар да тартылуда. Мысалы, облыс басшылығы «ERG» компаниясымен Хромтау моноқаласы кәсіпкерлерінің жобаларын 3% – бен несиелеу туралы келіссөздер жүргізуде. «Ауыл аманаты» жобасын іске қосу ауыл халқының табысын едәуір арттыруға мүмкіндік береді. Біз АӨК саласында, оның ішінде тауарлық кредиттеу бойынша бірқатар маңызды жобаларды іске асыруды жоспарлап отырмыз. Ағымдағы жылы мемлекеттік қорға 500 мың гектардан астам ауыл шаруашылығы мақсатындағы жерлер қайтарылады, олар жұмыс істеуге және халықты қолдауға дайын шаруашылықтарға беріледі. Жалпы, ШОБ-ты дамытуға қатысты көптеген мәселелер шешілетін болады», – деп атап өтті облыс әкімі.

Өз кезегінде «Атамекен» ҰКП Басқарма төрағасының орынбасары Тимур Нахипбеков Ұлттық палата кәсіпкерлікті қорғау экожүйесін құру жобасын іске асырып жатқанын атап өтті.

«Әрбір әкімдікпен шағын және микробизнес үшін оңтайлы жағдай жасау үшін белгілі бір экожүйені енгізуді пысықтап жатырмыз, оның көмегімен кез келген кәсіпкер «бір терезе» қағидаты бойынша мемлекетпен өз проблемаларын тікелей шеше алатын болады. Біздің «Атамекен» палатасы құзыретінің шеңберінде проблемалық мәселелерді шешу үшін бар тетікті қолданатын болады. Бизнес пен мемлекеттің тиімді өзара іс-қимылы қалыптастыру үшін, бизнес проблемаларын жедел түрде шешу мақсатында Палаталар жанында Өңірлік кеңестің салалық комитеттері жұмыс жасайды, олар өз алаңдарында кәсіпкерліктің жүйелі мәселелерін сараптайды. Салалар бойынша бірлескен байланыс топтары арқылы әкімнің жетекшілік ететін орынбасарлары және басқармалармен өзара іс-қимыл жасауды ұсынамыз. Мәселелерді кеңірек талқылауға шығару керекпіз», – деп атап өтті Тимур Нахипбеков.

Естеріңізге сала кетейік, іс-шара Мемлекет басшысының 2022 жылғы 19 мамырда бизнес-қоғамдастықпен кездесу барысында әкімнің бизнеспен және прокуратураның қатысуымен тоқсан сайынғы кездесулерін өткізу қажеттілігі туралы айтқан тапсырмасын орындау мақсатында ұйымдастырылды.

Кездесу аясында жергілікті тауар өндірушілердің көрмесі және мемлекеттік және қадағалау органдары басшыларының, «Атамекен» палатасы мен қаржы институттарының қызметкерлерінің жүйелі мәселелер бойынша кәсіпкерлерді жеке қабылдауы ұйымдастырылды.

Форум қорытындысы бойынша Ақтөбе облысының әкімдігі, «Еуразиялық Топ» ЖШС, «Даму «кәсіпкерлікті дамыту қоры» АҚ және «Атамекен» ҚР Ұлттық Кәсіпкерлер палатасы арасында Ақтөбе облысының Хромтау қаласында шағын және орта кәсіпкерлікті қолдау бойынша ынтымақтастық туралы Меморандумға қол қойылды.

Сондай-ақ, өңірдің әлеуметтік-экономикалық дамуына қосқан үлесі үшін кәсіпкерлерді марапаттау. Мәселен, III дәрежелі «Атамекен» ҰКП «Іске адалдығы үшін» медалі «Арман-М» шаруа қожалығының басшысы Қазыбек Әлішевке табысталды.  Ақтөбе облысының әкімі Ералы Тоғжановтың алғыс хаттарымен «Ақбөбек» оңалту орталығы» ЖШС құрылтайшысы Күлпаршын Айдарханова, Ақтөбе облысының іскер әйелдер қауымдастығының төрағасы Күлшат Масалимова, «Рамазан» ЖШС директоры Ертай Қадырұлы, «Глобал — Спецодежда» ЖШС директоры Надежда Шабаева және «Айс – плюс » ЖШС директоры Қуаныш Ищанов марапатталды .

 

 

 

 

2 Comments

  1. Спасибо вам за предоставленную информацию. Никто не подумает о вашем здоровье кроме вас самих. Сердец – наш мотор. Хороший специалист по «моторам» – Виктория Зязина, вот ее канал на ютуб https://youtube.com/@KardioRussia . Лучше заранее проверить и предупредить, чем лечить и не вылечить.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған