Қырғызстанның экс-президенті Ақаев Бішкекке оралды

Қырғызстанның экс-президенті Асқар Ақаев Бішкекке келді, – деп хабарлайды Tengrinews.kz тілшісі 24.kg сайтына сілтеме жасап.

Басылым дереккөздеріне сәйкес, Мәскеуден келген борт Манас әуежайына 14 желтоқсанда таңертең 4.40-та қонған. Асқар Ақаев туған жеріне ұлы Іліммен бірге ұшып келген.

«Бұрынғы президент «Құмтор» ісі бойынша жауап алуға шақырыла ма, әлі белгісіз», – делінген хабарламада.

Құмтор – Қырғызстанның Ыстықкөл облысында Бішкектен 350 шақырым жерде орналасқан Орта Азиядағы ең ірі биік таулы алтын кен орны. Тянь-Шань тау жүйесінде, теңіз деңгейінен 4000 метр биікте орналасқан Құмтор – әлемдегі екінші биік таулы алтын кен кәсіпорны.

2 Comments

Пікір үстеу

Э-пошта мекенжайыңыз жарияланбайды. Міндетті өрістер * таңбаланған