Қырғызстан Қытайдан пандемияға байланысты қарызды жеңілдетуді сұрады

Қырғызстанның сыртқы істер министрі Чингиз Айдарбеков қытайлық әріптесі Ван Имен телефон арқылы сыртқы қарыз туралы сөйлескен.

«Коронавирус пандемиясы макроэкономикалық жағдайға да кері әсерін тигізіп жатқанына байланысты Қытайдан сыртқы қарызды жеңілдетуді сұрадық», – делінген сыртқы істер министрлігінің ресми баяндамасында.

14 сәуірде қырғыз президенті Сооронбай Жээнбеков Қытай басшысы Си Цзиньпинпен телефон арқылы сөйлесіп, көмек сұраған.

Қырғызстанның қаржы министрлігінің мәліметі бойынша, сыртқы қарыз 4,7 млрд долларды құрайды.

Қарыздың 43,2 проценті Қытайдың экспорт-импорттық банкінен алынған. Яғни Қытайға 1 млрд 775 млрд доллар қарызы бар.

Биыл қырғыз үкіметі коронавирус пандемиясымен күресу үшін сырттан 742, 9 млн доллар қарыз сұраған. Оның басым бөлігі несие ретінде берілген.

centralasian.org

Пікір үстеу

Э-пошта мекенжайыңыз жарияланбайды. Міндетті өрістер * таңбаланған