BI Group Ironman 70.3 Astana жарысын өткізуге 700 волонтер тартылмақ

Әлемнің 50 елінен 1400 қатысушы Нұр-сұлтанға триатлоннан – BI GROUP IRONMAN 70.3 Astana беделді халықаралық жарысқа қатысады. 14 шілдеде өтетін жарыстың ерекшелігі Рго санатындағы атлеттердің қатысуы болады, деп хабарлайды елорда әкімдігінің сайты.

Жарысқа олимпиадалық чемпион, Astana Pro Team командасының бас менеджері Александр Винокуров, Олимпиада ойындарының қатысушысы, триатлоншы Екатерина Шатная, «Алматы Марафоны» ұйымдастырушысы Салтанат Қазыбаева және т.б. атақты қазақстандықтар қатысқанын растады.

Іс-шараны тиімді ұйымдастыру мақсатында шетелдік қонақтармен өзара іс-қимыл жасау тәжірибесі мол QVolunteers 700 еріктілері тартылатын болады.

IRONMAN 70.3 Astana аясында 12-14 шілде аралығында үздік әлемдік брендтердің спорттық жәрмеңкесі жұмыс істейтін болады.

Сонымен қатар, 13 шілдеде Триатлон паркінде жас атлеттерге арналған IRONKIDS өтеді. Жыл сайын ол әрбір IRONMAN жарысы аясында бүкіл отбасы үшін ойын-сауық ретінде өткізіледі. Балалар жарысы кең танымал және өскелең ұрпаққа салауатты өмір салтын қалыптастыруға, жарыс алдында спортшыларды қолдауға, сондай-ақ отбасымен уақытты көңілді өткізуге бағытталған.  Іс-шара Нұр-сұлтан қаласы әкімдігінің және Қазақстан триатлон федерациясының қолдауымен өткізіледі.

 

Пікір үстеу

Э-пошта мекенжайыңыз жарияланбайды. Міндетті өрістер * таңбаланған